جزاكى الله كل خير ويارب يثبتك ويسامحك على اى حاجة عملتيها وتاكدى انها اتبدلت حسنات احبك فى اااااااااااااااااااااالله

قصة معرفة الحق
بدموعٍ خاشعةٍ تحكى قصةَ معرفةِ الحقِ
وبألمٍ مهمومٍ تبكى وتودعُ أيامَ الرقِ
تتمنى عفوك يارب أمنيةً تومضُ كالبرقِ
يارب اقبلنى واغفرلى تدعوك بحبٍ وبصدقِ
يارب برحمتك اقبلها أمطرها من خيرِ الرزقِ
نادتك أياربَّ المطر يا ربى وإله الخلقِ
إن كنت ترانى فأجبنى أكلامك من هذا الفسقِ؟
أنشاد تُنشَدُ تملأنى شهواتٍ وتعلى شبقى
يارب أتيتك حائرةً حررنى وأنْرلى نفقى
من تحت المطر أناجيك أرجوك انشلنى من غرقى
ناديت يسوع فلم يجب فصرخت بقلبٍ محترقِ
ياربَّ يسوع ألا اسمعنى أَسمِعْنى نورك بالأفقِ
أنشيد الأنشاد كلامك ؟ فأجاب الرب ألم تفقِ؟
أذان الفجر يرددها "الله أكبر" فاستبقى
فانطلقت تشكر وتقدس للرب بحبٍ وبشوقِ
يار ب عرفتك سامحنى أبصرتك من ظلمة قلقى
يارب اقبلنى واغفرلى أدعوك بحبٍ وبصدقِ
أخطأت بحقك يارب ما أنت بروحٍ منبثقِ
ما أنت بولدٍ مولودٍ ما أنت بشقٍ مشتقِ
أخطأت كثيرًا وأسأت لنبيك محمودِ الخلُقِ
ما كان محمد شيطانًا بل كان مثالًا للرفقِ
بل كان نبياً مختاراً يهدى بالحق إلى الحقِ

السلام عليكم ورحمة الله وبركاته
والله كلامها مؤثر كلام صادق من القلب
هل آن الوقت لنرجع الي الله ونتأكد ان الاسلام هو الدين هو الدين
اللهم ثبتها وثبتنا واهدنا يارب ولا تردنا يالله
ادعو للمسلمين اجمعين بالهداية والثبات
وحاولوا تدعوا اكبر عدد لكي يسمعو ماسمعناه
ياااااااارب ارض عنا يالله

السلام عليكم الحمد لله الذى بنعمته تتم الصالحات قرأت فى بعض الردود خطأ فى القران فالرجاء من اراد ان يستشهد بآية أو حديث يكتبه بطريقة صحيحة فهذا كلام ربنا جل وعلا وارجو مسح هذا الخطا وبسرعه لاننا مسلمين والسلام عليكم وجزاكم الله خير.

الله ينصر الاسلام والمسلمين فى كل وقت وفى كل مكان

السلام عليكم نحن لسنا بالعرب نرجوا الاهتمام ولكم جزيل الشكر نريد ترجمة المادة بلغتي الانجليزي والتقريني

ما شاء الله ربنا يزيد و يبارك رااااااااااااااااااااااااااااااااائع

اسأل الله العظيم ان يثبتك علىالحق وينور قلبك بالايمان اختى فى الله انت لان كماولدتك امك من غير ذنوب دعوتك مستجابة باذن الله تعالى ادعو لى ان الله سبحانه وتعالى يرزقنى الذرية الصالحة

السلام عليكم

لو فضلت اشكركم طول عمري على الكلام الجميل السمعته منكم مش حوفيكم حقكم

قريت كل تعليقاتكم كلها كلها اللي بالعربي واللي بالانجليزي

قريت كل دعواتكم الجميلة ودعيت لكل اللي طلب الدعاء زي ماهو كاتب بالظبط

ربنا يخلي الاخت الطيبة اللي عرفتني بموقعكم ده

بعتتلي الرابط على البالتوك ودخلت وقريت كلامكم وبجد خليتوني ابكي من الفرحة اكتر واكتر

فرحتي انكم سامحتوني على اللي كنت باقوله في حقكم وفي حق دين ربنا

وفرحتي باخويا المسلم اللي بيقول انه تاااااااااب ورجع لربنا وانه انا السبب

بجد فرحتي ماتتوصفش صدقوني

وفرحتي كمان اني عرفت اتواصل مع الناس الجميلة دي وارد على كلامهم الجميل

وبرغم انتشار التسجيل بطريقة رهيبة مكنتش اتوقعها ولا كنت عاملة حسابها الا ان باشكر ربنا اني في امان ومحدش عرف انه انا اللي باتكلم

وده ستر من الرب عليا عشان بعد ما شفت الانتشار ده بصوتي فضلت اصلي لربنا واقوله يسترني ويخبيني
وان محدش يعرف انه انا حتى لو امي اللي سمعته

كمان انا كنت بردانه والصوت كان متغير من عند ربنا طبيعي بسبب البرد اللي كان عندي

مش معقولة ربنا يكلمني ويكون معايا ويعرفني طريقه ويسيبني بعدها

يستحيـــــــــــــــــــــــــــــــــــل

انا ايماني بستر الرب و حمايته ليا بيوازي ايماني بوجوده

انا مش خايفة لان معايا اللي خلقني وخلقكم

هل انا لو طلبت من حد فيكم حماية حيتخلا عني؟؟؟

طيب لما اطلب الحماية من الرب اللي عملني وصنعني ونورني هل حيتخلا عني؟

مستحيل

لازم ده يكون جواكم ومتخافوش عليا

حيجرالي ايه؟ حاموت؟

طب مكلنا حنموت

فيها ايه؟ لما اموت وربنا في قلبي احسن ما اموت وانا كنت باشتم على دينه ورسوله بجهلي وغبائي

ده انا باساله قالي قال الله

شفتم عظمته ؟

سالته سؤال جابلي سورة بتقول قال الله

يعني بيكلمني وبيقولي بنفسه الجواب وانا باساله

هل حيسيبني ويخلي البشر يقدروا عليا؟

مستحيل

وابشركم اني باصلي كل الصلوات كلها كلها وليا اودة بتاعتي لوحدي باكون فيها براحتي باصلي فيها وباحفظ القران

ومعايا البنات المسلمات على البالتوك باراسلهم وبيعلموني كل حاجة

وكمان انتسبت لغرفة صوتية بيحفظوني قران

وكمان حفظت سورة النبا والنازعات والمطففين وشوية سور صغيرة

وكمان بادخل مواقع اسلامية وعرفت حاجات كتيرة عن الاسلام كتيرة كتيرة جميلة

ولو كنت عرفت الحاجات دي وقريت عنها كنت اسلمت من زمان من غير ما الف وادور واتعذب واسال

الاسلام طلع جميل مش زي ما كنت فاكراة ابدا

مكنتش باتعلم عن الاسلام غير شبهات وحاجات اكتشفت ان كلها حاجات غلط والمسلمين ردوا عليها رد منطقي ومقنع

واكتشفت ان كله بيكذب عشان يشوه الاسلام الرائع

واكتشفت ان اعظم انسان في الدنيا هو اللي الناس دي بتكرهه وبتشتم عليه وبترسمله صور وحشة

محمد رسول ربنا العظيم البطل القوي الطيب الحنين

العبقري من غير كراسة ولا قلم

ازاي يقول كلام زي ده ازاي وهو مدخلش مدارس ولا اتعلم

ازاي يقول الكلام اللي قريته عن الاعجاز العلمي في القران

والبحر المسجور

ازاي عرف ان تحت مية البحر في نار لوحده من غير مايدخل مدارس ولا يتعلم ولا كان حد يعرف الكلام ده

يااااااااااااااااااااااااااه نفسي اكتبلكم كل حاجة قريتها عنه نفسي نفسي

انا كنت رمز الجهل والتخلف والتعصب الاعمى

انا كنت رمز التكبر والعناد وعما القلب والعقل

بس الكريم العظيم

الرب اللي خلقنا مرضاش يسيبني كده وحن وعطف عليا

مرضيش يسيبني حيرانة وتايهة وتعبانة ومش عارفة اعيش

ساعدني ووقف جمبي وكان يقدر يسيبني جاهلة وتايهة ويموتني وانا بعيدة عنه

لكن لقيته بيحبني

وقبل ما اساله واكلمه ويجاوبني كنت باتابع الاسلام على الفضائيات وعلى المواقع لكن كنت باتعامى عن اللي باشوفه وباسمعه

كنت باسمع اسئلة المسلمين للشيوخ في حاجات في حياتهم والاقي الشيخ رد على المسلم برد مقنع

وكنت باحط نفس السؤال اللي ساله المسلم بس في المسيحية واقول لو انا مكان المسلم ده كنت عملت ايه

وايه الرد المسيحي على السؤال اللي ساله المسلم ده؟

كتير مكنتش بالاقي ردود واضطر امشي من دماغي

عشان كده لما اسلمت حسيت ان ليا رب ممشيلي كل حاجة

مفيش حيرة ولا توهان

اي حاجة في الدنيا ربنا راسمهالي عشان امشي عليها في حياتي وعيشتي ومعاملتي معاه ومع الناس

علمني ازاي اكل وازاي اشرب بطريقة ترضيه

علمني ازاي اناجيه وازاي احبه

علمني ازاي اعمل اللي يرضيه مخلانيش امشي من دماغي
لان الحقائق نسبية ومختلفة عند الناس

واللي اشوفه انا صح ممكن يشوفه غيري غلط

عشان كده ربنا رسم الطريق الصح المباشر اللي مينفعش يتدخل فيه بشر

عرفني ازاي اصلي مخلانيش اصلي بمزاجي وغيري يصلي بمزاجه وكل واحد ماشي مع نفسه

حتى في مساعدتي للفقير عرفني اساعده ازاي وبالتفصيل كمان

اتعلمت عن الصلاة والصيام والزكاة وقريت عن الحج والقران والوضوء والنظافة

عرفت المكان اللي حاكون فيه شكله ايه لو ربنا حبني

ماشية وشايفة الطريق قدامي وعارفة رايحة فين وحيجرالي ايه بعد كده

ايمان غريب واحساس اغرب عمري ما حسيته في حياتي كل يوم بيزيد بيزيد

عمره ما بيقل ابدا ابدا

بقيت كل ما اسمع الادان افتكر رد ربنا عليا

كل يوم خمس مرات اسمع الادان

بقيت استنى الادان واتمنى اسمعه عشان بيفكرني باللحظة الجميلة اللي كنت فيها مع ربنا

بقيت عايشة اتمنى اعيش في بيت مسلم اعلق فيه قران على الحيطة بالسورة اللي باحبها

بقيت عايشة اتمنى اشغل قران بصوت عالي في الكاسيت واسمعه بحرية زي المسلم ما بيعمل

بقيت عايشة اتمنى اقلد المسلمة واشيل مصحف اقرا فيه في المواصلات واقول للناس يا عالم انا مسلمة ومؤمنة بالكتاب العظيم ده

بقيت عايشة اتمنى امشي بحجاب زي البنات المسلمين واخبي نفسي من الارف اللي باشوفه في الشارع

نفسي ومنى عيني اقف في وسط مسلمين كتير في جامع واصلي ونكون كتير زي ما باشوفهم بيصلوا تحت البيت في صلاة العيد وفي رمضان

نفسي اروح الجامع وادخله واحضر فيه دروس زي البنات اللي باشوفهم خارجين من الجامع بعد الدرس

نفسي اقلدهم واكون زيهم مش عارفة

نفسي اعمل رنة في موبايلي بتقول الله اكبر مش عارفة

يا بختك يا اللي اتولدتي مسلمة
مش بتلاقي اي صعوبة في الحاجات دي وبتعمليها براحتك من غير ماتخافي ان حد يشوفك

لكن مهما كانت الصعوبة ومهما كنت مش قادرة اعمل كده علني

الا اني بحبـــــــــــــــــــــــــــــــــــــــك يا رب الكون وربي ورب كل المخلوقات

بحبــــــــــــــــــــــــــــــــــــــك يا رسول الله وبحب كل اللي بيحبك

عشان انت اللي علمت الناس القران اللي جاوب على اسئلتي

مكذبتش ومخبيتش

وبرغم حب صحابك ليك وبرغم اللي سمعته انهم كانوا يتمنوا تراب رجليك الا انك مادعيتش انك اله او رب

كنت تقدر تقول انك اله وانك ربنا لو كنت عايز شهرة وحب اكتر وكانوا حيصدقوك ماداموا بيحبوك الحب ده

لكن انت معملتش كده واديت دورك زي ما الرب طلبه منك

وهمه كمان حطوك في المكانة اللي تستحقها

بجد منتهى العقل والنور حياته وحياة اصحابه

وانا معاك لاخر نفس في حياتي ولاخر دقة في قلبي يا رسول الله

طولت عليكم؟

معلش اتحملوني

لكن مقدرتش ماعلقش بعد ما قريت كلامكم الرائع

وانا حادخل اشارك معاكم في المنتدى ويشرفني اكون اخت ليكم

لكن ليا طلب من كل اللي حيقرا تعليقي ده

انه يدعيلي ان الرب يستر عليا ومحدش يعرف اني صاحبة التسجيل ده لحد ما اموت

لان مهما كنت حاسة اني اسيرة ومش قادرة اعلن اسلامي ومش قادرة اعيش زي المسلمين
الا انه اهون من اني اكون تحت مراقبة او اني ماعرفش اصلي في اودتي او احفظ قران

لان حتى الحاجات البسيطة اللي باعملها دي حاتحرم منها ومش حاقدر اعملها لو حد من اللي حواليا عرف

لحد ما ربنا يتمم خطتي الجديدة على خير واحتمال قريب تسمعوا خبر مفرح بزواج من شاب مسلم في كندا

صلواتكم ودعواتكم معايا

السلام عليكم

بسم الله الرحمن الرحيم" يختص برحمته من يشاء والله ذو الفضل العظيم" السلام عليكى اختى فى الله لقد سمعت حديثك الممتع عن اسلامكواحسست ان هذة الايه تنطبق عليكى ووالله الذى لا اله الا هو انى احبك فى الله وقد احسست لاول مرة فى حياتى بمعنى الدعاء الذى اقوله بعد كل صلاة "الحمد للة على نعمة الاسلام وكفى بها نعمة اللهم ثبتنا على دينك"اختى فى الله انصحك اخيرا ان تقراى سورة ال عمران من الاية33 الى الاية92 حتى تزدادى ثباتا على الحق كما انصحك اختى ان تسمعى تفسير سورة مريم للشيخ محمد حسان ووالله انى لادعوا لكى ان يحفظكى الله ويشملكى برعايته ويبعد عنكى كل اذى ولا تعجبى ان قلت لكى ان الله تعالى ارسل كلامك هذا لى حتى استيقظ انا من غفلتى واشد الهمه اكثر فى دين الله

اللهم ثبتها ...اللهم ثبتها
آمين

الحمد الله على نعمة الاسلام وكفى بها نعمة ثبتك الله اختى واماتنا على الاسلام فقد اهتز قلبى عند سماعك واحسست نعمه الاسلام

اولا الحمد لله تعالى على ان هداكى الى الاسلام طريق النور والحق

وانا ابشرك بحب الله عز وجل لكى لان الله عز وجل يصطفى المتقين

والحقيقة انا اشكرك جدا جدا جدا

لان بجد والله بجد انا بكيت كثيرا من كلامك ده

وانا احب اقولك انك كسبتى ثواب عظيم الان

وانتى الان بيدك كنز عظيم فلا تهديريه مهما كانت الاسباب لان من صدق الله صدقه الله عز وجل

انا على فكرة دعيت لكى فى صلاة الفجر انك تثبتى على الطريق الحق

فارجوا منكى ان تعي الله عز وجل ان يهدى شباب المسلمين عامة ولى خاصة

لانك الان كما ولدتكى امك ليست عليكى ذنوب بعد دخول الاسلام ودعوتكى باذن الله عز وجل مستجابة

وانا اطلب منكى ان تطمني قلوبنا عليكى وايه اخر اخبارك
طبعا انتى هتقابلك صعوبات كتيرة بس لازم تسبتى ده كفاية انك عرفتى العبادة الصحيحة لله عز وجل والدين الحق فلاتخافى من العباد وخافى من رب العباد
واللى عايز يعرف اخبارك يعرفها ازاى
معلش اصل انا جديد فى المنتدى
وانصحك ان تدعى بخالص دعائك للمسلمة التى سمعتى منها القران فى الترام لان الله عز وجل جعلها سب لهدايتك

واخر كلامى ان الحمد لله رب العالمين
والصلاة والسلام على نبينا محمد خاتم النبيين واشرف المرسلين

الحمد لله علي نعمة الاسلام وكفي بها نعمة اولا اهلا بكي اختي في الاسلام والله كم انا سعيدة بكي واتمني اناتعرف عليكي ولو من خلال النت لو تستطيعي ارسال او اظهارالايميل الخاص بكي لكننا اصحاب واحباب في الله ومافرح الصحابه كفرحهم بحديث الرسول صلي الله علي وسلمالمرء يحشر مع من احب 00 يارب احشرنا مع الحبيب النبي علي الحوض واسقنا بيده شربة لانظما بعدها ابدا واحشرنا معه في الجنة0000 ااامين ثانيا اعلمي ايتها الاخت ان الاسلام يهدم ماقبله ونحن جميعا نحبك في الله واوصيكي بتعلم الاسلام وحفظ القران والمداومه علي الذكروالسلام عليكم ورحمةالله وبركاته

الحمد لله على نعمة الاسلام وكفى بها نعمة بارك الله فيك ياأختى وأتمنى لك الثبات والاستقامة حتى نلتقى باذن الله فى أعلى الجنان ووالله انى لأحبك فى الله وأنصحك بسماع حلقة الشيخ هانى حلمى الساعة 2ظهرايوم الخميس على قناة الناسوربنا يحبك ويغفرلك

مرحبا بك اختى ونور الله قلبك والاسلام ي جب ما قبله واحنا سعداء بلسلامك ومسامحينك

ماشاء الله
سبحان الله وبحمده سبحان الله العظيم
استغفر الله العظيم
واشهد ان لا اله الا الله واشهد ان محمد رسول الله واشهد ان عيسي عبد الله

الله اكبرالله اكبرالحمدلله ان هداك الله لدينه سبحانه وتعالى لان الدين عند الله الاسلام وجميع الانبياء والمرسلين بداية بادام عليه السلام وختامابمحمدصلى الله عليه وسلم دعوا للاسلام وعبد الله ورسوله عيسى عليه السلام دعا الى الاسلام لله سبحانه وتعالى فدين الله واحد من بداية الخلق حتى يوم القيامة ونعتذراليك لاننا لم نبين لك عن الله ورسوله محمد صلى الله عليه وسلم من قبل ونكون سبب هدايتك وندعو الله لكى ان يجعلك داعية الى الله وتكونى سبب هداية لكل ضال عن الدين الحق.واشكرى الله بالدعوةالى الله,,قال الله تعالى:قل هذه سبيلى أدعوا الى الله على بصيرة أنا ومن أتبعنى وسبحان الله وما أنا من المشركين.

الحمد للة على نعمة الاسلام لا ادرى ماذا اقول سبحان اللة يوجد كلام كثير داخلى ولكن الحمداللة على الاسلام وارجو من اللة الثبات لكى ولى وللمسلمين اسئلكم ان تدعو لى بلبس النقاب لان عائلتى يقولون لى بعد ان ياتى ابن الحلال وجزاكم كل خير يا من تقومون على الموقع ورزقا اخى الذى طلبالشهادة ان يكون فى حواصل الطير فى الجنة هو وانا ايضا اوريد ان اكون شهيدة واسف على كثرة كلامى و استغفر اللة واتوب الية والسلام عليكم

الحمد للة على نعمة الاسلام لا ادرى ماذا اقول سبحان اللة يوجد كلام كثير داخلى ولكن الحمداللة على الاسلام وارجو من اللة الثبات لكى ولى وللمسلمين اسئلكم ان تدعو لى بلبس النقاب لان عائلتى يقولون لى بعد ان ياتى ابن الحلال وجزاكم كل خير يا من تقومون على الموقع ورزقا اخى الذى طلبالشهادة ان يكون فى حواصل الطير فى الجنة هو وانا ايضا اوريد ان اكون شهيدة واسف على كثرة كلامى و استغفر اللة واتوب الية والسلام عليكم